Darkest Hour IMDb 7.4 Academy award winner film
पंतप्रधान सर चेंबरलिन यांच्यावरील जनतेचा विश्वास दिवसेंदिवस कमी होत चालला होता. ब्रिटन मधील विरोधक आक्रमक होत होते. तिकडे जर्मनीने पोलंड नंतर फ्रान्सचा देखील पाडाव केला होता आणि पुढील शिकार ही इंग्लंड होती. जर्मनीच्या सेनेसमोर इंग्लंडचा निभाव लागणे केवळ अशक्य होते विशेषतः तेव्हा जेव्हा डनकर्क मध्ये इंग्लंड, भारतीय सेना, बेल्जियम, कॅनडा या मित्र सेनेचे ३ लाखाहून अधिक सैन्य अडकले होते. या कठीण परिस्थितीत देशाचे नेतृत्व विन्स्टन चर्चिल यांच्या कडे आले. विन्स्टन चर्चिल हे खरे तर भारताचे व्हिलन. त्यांच्या अनेक policies या ब्रिटिशांना देखील आवडलेल्या नव्हत्या. त्यांच्या वर चुकीच्या निती राबविल्याचे आरोप पण होते पण युद्ध प्रस्थितीत त्यांच्या एवढा हुशार आणि शिक्षित नेता दुसरा कोणी नव्हता म्हणून नाईलाजाने सर्व पक्षीय आणि रॉयल फॅमिलीच्या मताने त्यांची पंतप्रधान म्हणून नेमणूक झाली. त्यांच्यासमोर दोन प्रस्ताव होते. जर्मनी समोर शरणागती पत्करणे किंवा शेवटाच्या श्वासापर्यंत लढणे. चर्चिल यांच्यामते ब्रिटिश रक्त हे कधी शरणागती पत्करणे कबूल करणार नव्हते. त्यांनी अनेकांचं मतपरिवर्तन करायचा प्रयत्न केला. जनतेत जाऊन त्यांची मते घेतली. मंत्रिमंडळात मत ठेवण्यापूर्वी हाऊस मध्ये लोकांना युद्ध का करणे गरजेचे आहे ते पटवून दिले. त्याचवेळी त्यांनी ऑपरेशन डायनामो सुरू केले आणि अडकलेल्या मित्र सैन्याला ज्यात भारतीय पण होते त्यांना परत आणण्याचा हालचाली सुरू केल्या आणि त्यात ते यशस्वी झाले. या चित्रपटात विन्स्टन चर्चिल यांचे हे सगळे प्रयत्न, त्यांचे देशप्रेम, युद्ध करणे आणि शरणागती न पत्करणे आणि त्यासाठी जीवाच रान करणे हे सर्व अगदी सुंदररित्या चित्रित करण्यात आलं आहे. हा चित्रपट तुम्हाला दुसऱ्या विश्व युद्धातील त्या महत्वाच्या दिवसांचे चित्रण दाखवतो ज्या महत्वाच्या दिवसामध्ये संपूर्ण दुसऱ्या महायुध्याचे चित्रच पालटले. नक्की पहावा असा चित्रपट. Amazon prime वर उपलब्ध आहे. 👍
No comments:
Post a Comment